Казан аграр университетының студентлар халык театры җитәкчесе Роберт Галиев вафат

Казан дәүләт аграр университетының студентлар «Тургай» халык театрының режиссеры һәм сәнгать җитәкчесе, Татарстанның атказанган мәдәният хезмәткәре Роберт Галиев вафат.

Бу хакта Казан дәүләт аграр университетында хәбәр иттеләр. Роберт Галиев кисәк, йөрәге тотып вафат булды диде, уку йортының тәрбия бүлеге җитәкчесе Әнәс Мостафин «Татар-информ» журналистына.

Роберт Тимерхан улы Галиевка 67 яшь иде. Ул «Тургай» театрының алыштыргысыз җитәкчесе иде. Роберт Тимерхан улы белән хушлашу вакыты һәм урыны соңрак хәбәр ителәчәк, диделәр университетта. 

Чыганак: Татар-информ

Фото: Казан дәүләт аграр университеты сайтыннан