Казан тамашачысы «Зөләйха күзләрен ача» спектаклен күрәчәк

Апрель башында Мәҗит Гафури исемендәге Башкорт академия драма театры Казанга гастрольләр белән килә. Спектакльләр Г.Камал исемендәге Татар дәүләт академия театры сәхнәсендә күрсәтеләчәк. Артистлар алты спектакль алып килә. Шуларның берсе - Гүзәл Яхинаның «Зөләйха күзләрен ача» романының сәхнәләштерелүе. Спектакль 4-нче апрельгә планлаштырылган.

Шулай ук Камал театры сәхнәсендә 3-нче апрельдә – «Урал батыр», «Сөясеңме, сөймисеңме», 5-нче апрельдә – «Кесәл ярында», 6-нчы апрельдә – «Агачлар басып үлә», 7-нче апрельдә «Бәхет бәясе» спектакльләре күрсәтеләчәк.

Башкорт драма театры спектакльләре илнең күп шәһәрләрендә күрсәтелә. «Зөләйха күзләрен ача» спектакле аеруча да популяр булып тора. Башкортстанның 100 еллыгы, Башкорт театрының 100 еллыгы кысаларында февраль аенда Мәскәүдә Башдрамтеатр гастрольләре узды инде.

Казанга театр янә июнь башында төрки халыкларның «Нәүрүз» Халыкара театр фестиваленә киләчәк, анда «Зөләйха күзләрен ача» спектаклен тәкъдим итәчәк, дип хәбәр итәләр Мәҗит Гафури исемендәге Татар дәүләт драма театры матбугат хезмәте.

Чыганак: kzn.ru