КФУ эксперты чын яз кайчан җитәчәген фаразлады
(Казан, 19 март, “Татар-информ”). Татарстанда март ахырына кадәр чын яз булмаячак. Язның беренче ае дәвамында температура нольдән түбән булачак һәм кар эремәячәк. Әлеге фаразларны КФУның Экология һәм...
(Казан, 19 март, “Татар-информ”). Татарстанда март ахырына кадәр чын яз булмаячак. Язның беренче ае дәвамында температура нольдән түбән булачак һәм кар эремәячәк. Әлеге фаразларны КФУның Экология һәм табигый байлыклардан файдалану институтының метеорология, климатология һәм атмосфера экологиясе кафедрасы җитәкчесе Юрий Переведенцев җиткергән.
Синоптиклар тәүлек температурасы тотрыклы рәвештә ноль градустан югары булуын яз башлану дип исәпли.
“Республика арктик антициклонның көньяк перифериясендә. Көчле кояш радиациясе тәэсирендә кояшлы һава торышы күзәтелә. Күпьеллык күзәтүләр нигезендә, бүген көндез Казанда уртача һава торышы минус 4 градус булырга тиеш. Чынлыкта исә ул күпкә түбән. 19 мартта төнлә термометр баганасы 18 градустан түбән күрсәткечтә торачак, көндез исә минус 8 градуска кадәр җылытачак. Һава температурасы нормадан 5 градуска түбән”, - дип хәбәр иткән Переведенцев.
Эксперт фаразлары буенча, республика Арктикадан салкын һәм коры һава агымы керү тәэсирендә. 20 һәм 21 мартта һава температурасы көндез −6 һәм −4 градуста, төнлә исә −13 һәм −12 градуста булачак. Пәнҗешәмбедән кар явып, температура җылытачак.
Төнлә −7 градус, көндез −3 градус булачак. Ял көннәрендә хәл үзгәрәчәк. Якшәмбе көнне һава температурасы көндез −1 градус, төнлә −11 градус күрсәтеләчәк.
Следите за самым важным и интересным в Telegram-каналеТатмедиа
-
«Чулпан» мәдәният үзәгендә «Ак калфак» оешмасы концерты узды
-
«Нина и хлебные карточки»: укучыларны уйга калдырган премьера
-
Тукай премиясенә кемнәр лаек яки премиягә кандидатлар турындагы матбугат конференциясендә 2025 ел кандидатлары турында сөйләшмәү
-
Камал театрының яңа бинасында «Камал кичләре» узды
-
«Төзәтмәгән әйбер өстендә яңа нигез тудырып булмый». Түбән Кама театрының баш режиссёры Лилия Әхмәтова «Борһан йорты» спектаклен икенче тапкыр куя
-
Чаллы театры актрисасы Чулпан Арсланова Татарстанның атказанган артисты исеменә лаек булды!
-
«Слушай мои позывные», «Просто жить»: Ватанны саклаучылар елы һәм Бөек Җиңүнең 80 еллыгына Казан Яшь тамашачы театрында тагын нинди премьералар көтелә?
-
Сәйдәшев исемендәге концерт залында Чайковский һәм Штраус көйләре яңгырады!
Комментарий юк