Киләсе атнада Казанда күп итеп кар явар дип көтелә
«Озак вакытка ясалган фаразлар һәрвакытта да чынга ашып бетми», ‒ диде Юрий Переведенцев. Россия Гидрометеорология үзәге фаразлары буенча, киләсе атнада Казанда күп итеп кар явар дип көтелә. Бу турыд...
«Озак вакытка ясалган фаразлар һәрвакытта да чынга ашып бетми», ‒ диде Юрий Переведенцев.
Россия Гидрометеорология үзәге фаразлары буенча, киләсе атнада Казанда күп итеп кар явар дип көтелә. Бу турыда «Татар-информ» агентлыгына КФУның метеорология, климатология һәм атмосфера экологиясе кафедрасы мөдире, география фәннәре докторы, профессор Юрий Переведенцев сөйләде.
5 февральдә көн дәвамында 5,2 мм күләмендә явым-төшем булачак, төнлә белән тагын 1 мм кар явачак. Көндезге температура -17 градус булыр дип көтелә. Шулай итеп, тәүлек эчендә 6 мм чамасы кар явачак. Бу шактый күп кар. Фаразның чынга ашу ихтималлыгы 565 процент, диде ул.
Россия Гидрометеорология үзәге фаразлары буенча, 31 гыйнварда Казанда 9 градус салкын булачак. Болытлы һава, кыска вакытлы кар явачак. Төнге сәгатьләрдә температура -15 градуска кадәр төшәчәк. 1 февральдә көндез -8 градус салкын, төнлә -11 градус салкын көтелә. 2 февральдә көндез -6 градус, төнлә -10 граудус булачак.
31 гыйнвардан 2 февральгә кадәрге көннәрдә болытлы һава булачак, кыска вакытлы кар явар дип көтелә. «Хәзер шәһәрдә бераз җылытты. Без Атлантикадан килгән циклонның кырый чигенә эләктек. Бу бик киң циклон», ‒ диде Переведенцев.
3 февральдән суыта башлый. Көндез температура -10 градуска, төнлә -11 градуска кадәр төшәчәк. 4 февральдә көндез -19 градус, төнлә -22 градус салкын көтелә. 5 февральдә көндез -17 градус, төнлә -24 градуска кадәр салкынайта.
«Өч көн алдан фаразлар туры килә. Озак вакытка ясалган фаразлар һәрвакытта да чынга ашып бетми», ‒ диде Юрий Переведенцев.
Чыганак: tatar-inform
Следите за самым важным и интересным в Telegram-каналеТатмедиа
-
Камал театрында «Гөргөри кияүләре» спектакле 600 нче тапкыр уйналды һәм 119 нчы сезон ябылды!
-
Камал театры 119 нчы театраль сезонны яңа бинада япты!
-
Казанда беренче тапкыр «Алтын битлек» театр премиясен тапшыру тантанасы узды!
-
«Алтын битлек» премиясе Казанда!
-
Фәрит Бикчәнтәев: «Исемне үзгәртеп, без милли театрларның чикләрен киңәйтәчәкбез”
-
Казанда Александрин театрының Зур гастрольләре башланды
-
«Нәүрүз» фестивале кысаларында Кырым татар академия музыкаль драма театры һәм Төркия дәүләт театры спектакльләр күрсәтте
-
«Нәүрүз» фестивале кысаларында күрсәтелгән кайбер спектакльләрдән фоторепортаж
Комментарий юк