«Китәсен белгән кебек, һәр кеше белән саубуллашып чыккан»

«Татар-информ» агентлыгына Таиландның Пхукет утравындагы юл-транспорт һәлакәте турында өстәмә мәгълүматлар билгеле булды. Фаҗигадә Зәй шәһәреннән килгән ике хатын-кыз һәлак булган иде.

Юл-транспорт һәлакәте 22 гыйнвар көнне җирле вакыт белән иртәнге 11:00 сәгатьтә була. «Татар-информ» хәбәр иткәнчә, Пхукет утравының аэропорт юлында Украина гражданины идарә иткән «Ниссан Альмера» җиңел машинасы микроавтобус белән бәрелешә.

Салонда ике ханым була, 67 һәм 68 яшьлек хатын-кызлар икесе дә Зәйдән.

Алар өчесе дә хастаханәгә озатыла. Машина йөртүче исән кала, ә ике пассажир ханым да вафат була. Социаль челтәрләрдә һәлак булган ханымнарның исемнәре һәм яшьләре күренгәч, Зәйдә яшәүчеләр һәлак булучыларның якташлары икәнлеген ачыклый.

Автор: Эльвира МӨХӘМӘТДИНОВА, sntat.ru

Фото: www.novostiphuketa.com

Язманың дәвамын укыгыз

интертат