«әкият» курчак театрын котлыйбыз!

«Әкият» курчак театрының татар труппасы Казахстанның Актүбә шәһәрендә үткән V Халыкара курчак театрлары фестивалендә «Курчаклар буенча иң яхшы рәссам эше» номинациясендә дәрәҗәле дипломга лаек булган. Артистлар фестивальдә Зөлфәт пьесасы буенча куелган «Таңга – Чулпан, айга – Зөһрә» спектакле белән чыгыш ясаган. Спектакльнең рәссамы Россиянең атазанган рәссамы, Татарстанның атказанган сәнгать эшлеклесе – Валентина Губская.

Әлеге фестивальдә артистлар спектакльне татар телендә тәкъдим иткән.

Дөньяның төрле илләреннән килгән коллективлар арасында «Әкият» курчак театры артистлары тамашачыларны аеруча үзләренең профессиональлеге белән җәлеп иткән.

Хәтта, жюри әгъзалары театрның эшчәнлеген академик театрлар белән чагыштырып, артистларның хезмәтен югары бәяләгән.

Фото: театр архивыннан алынды