Кош гриппы Буа авылларында теркәлгән

Буа районының Каменный брод, Түбән Наратбаш һәм Вольный Стан авыллары хуҗалыкларында кош гриппыннан тавыклар һәм үрдәкләр үлеме теркәлгән. Бу хакта “Байрак” (“Знамя”) газетасы район ветеринария берләшмәсе баш эпизоотологы Ранис Нигъмәтуллинга сылтама белән хәбәр итә.

Республика ветеринария лабораториясенә Вольный Станнан өч, Буадан бер шәхси хуҗалыктан үрнәкләр тикшерүгә җибәрелгән. Торак пунктларда карантин игълан ителгән.

Ветеринар табиблар кош-корт үлсә, шунда ук  хәбәр итүләрен, йорт кошларын һәм аларның азыгын ябык урында тотуларын, корал белән эшләгәндә аны бик еш дезинфекцияләп торуларын сорыйлар.

Алдан кош гриппы вирусы Татарстанның Чүпрәле, Кайбыч, Тәтеш, Апас, Кама Тамагы районнарында килеп чыгуы турында хәбәр ителгән иде. 
 

татар-информ

Фото: Салават Камалетдинов/архив