Ләйсән Гыймаева: «Бар, идән ю», – дип әйтергә тел бармый...

Эстрада артистлары социаль челтәрдәге язылучылары белән кызыклы темаларга еш фикер алышалар. Үз тормышларының төрле яклары белән тамашачыларын таныштырып, бу хакта аларның фикерләрен һәм тәкъдимнәрен сорыйлар. Җырчы Ләйсән Гыймаева да күптән түгел үзенең Инстаграм тасмасында кызыклы язма урнаштырды. Баланы йоклаткач ничек ял итүе хакында яза җырчы: «Әниләр, бала йоклаганда сез дә уенчыкларны җыя-җыя, тузаннарны сөртә-сөртә, ашарга пешерә-пешерә, савыт-саба, идән юа-юа, кер үтүкли-үтүкли ял итәсезме ул? Йоклаттым, киттем шулай итеп 1,5-2 сәгать «ял итәргә» – дип шаярта Ләйсән Гыймаева.

Комментарийларда җырчыга зур кызларының ярдәм итәргә тиеш булуы хакында язучылар бар. Ләйсән аларга болай җавап кайтарган: Элек без мәктәптә 5-6 сәгать укып кайтып әниләргә булыша идек, ә хәзерге балалар кичкә хәтле укуда, төнгә чаклы дәрес әзерлиләр, бездән дә катырак эшлиләр, өйгә кайткач «бар, идән ю» дип әйтергә тел бармый, ачуланмагыз», – ди артист.

Автор: А.Галимова

Фото: Инстаграм @leisan_gimaeva_official

Посмотреть эту публикацию в Instagram

Энилэр, бала йоклаганда сез дэ уенчыкларны жыя-жыя, тузаннарны сортэ-сортэ, ашарга пешерэ-пешерэ, савыт-саба, идэн юа-юа, кер утукли-утукли ял итэсезме ул?? Йоклаттым, киттем шулай итеп 1,5-2 сэгать « ял итэргэ» ?? #лейсангимаева #яжмать

Публикация от Певица Лейсан Гимаева (@leisan_gimaeva_official) 4 Сен 2019 в 3:59 PDT