Лолита ире белән аерылышу сәбәпләре хакында

Җырчы Лолита Милявская ире белән аерылышты. Әмма ул башта аерылышуның сәбәпләрен әйтмәде. Аерылышу аның өчен шок булды. Бу хәлдән айныгач кына ул Дмитрий Иванов белән мөнәсәбәтләре хакында дөресен әйтте. «Без мөнәсәбәтләр өстендә эшләмәдек. Һәм бу бәла иде. Безне бер-беребездә нәрсәдер канәгатьләндермәде, нәрсәне дә булса  ошатмадык, ләкин я мин гастрольләрдә, я ул эшли иде. Барысын да уртакка салып сөйләшергә, психологка барырга кирәк иде», – дип фаразлады ул.

Җырчының иҗатына гашыйклар аңа бәхет һәм яңа мәхәббәт теләделәр.

Автор: Г. Вәлиева

Фото: Инстаграм lolitamilyavskaya