Минзәлә театры “Сүнгән йолдызлар” спектаклен куярга әзерләнә
Сабир Өметбаев исемендәге Татар дәүләт драма театры Кәрим Тинчуринның “Сүнгән йолдызлар” пьесасын сәхнәләштерә башлады. Музыкаль спектакльне калмык режиссеры Баатр Колаев куя. Бу хакта “Татар-информ”...
Сабир Өметбаев исемендәге Татар дәүләт драма театры Кәрим Тинчуринның “Сүнгән йолдызлар” пьесасын сәхнәләштерә башлады. Музыкаль спектакльне калмык режиссеры Баатр Колаев куя. Бу хакта “Татар-информ” хәбәрчесенә әлеге спектакльне сәхнәгә куючы Баатр Колаев хәбәр итте. Кичә ул Әтнә районында узган театр Сабан туенда катнашты.
Баатр Колаев татар драматургиясе классигы Кәрим Тинчуринның бу әсәрен “Нотр-Дам де Пари” мюзиклы белән чагыштырды. Режиссер әсәрне сәхнәгә кую өчен шактый кыскарткан, төп басымны ул Надир мәхдүм образына юнәлтә.
“Сүнгән йолдызлар” пьесасының төп геройлары – Сәрвәр белән Исмәгыйль. Сәрвәр сөйгәнен сугыштан алып калу өчен аның колагына агу сала, әмма егет чукракланып кына калмый, ә үлә. Сәрвәр дә саташа. Пьесада Сәрвәрне яраткан Надир мәхдүм образына да зур урын бирелә. Спектакль Камал һәм Тинчурин театрларында зур уңыш белән барды.
Надир мәхдүм роле - театрның яшь артисты, Кече шәһәр театрлары фестивале лауреаты Рөстәм Зиннуровка тәкъдим ителгән булган. Актер азәрбайҗан классигы Хөсәен Җәвиднең “Иблис” трагедиясендәге Иблис роле белән киң танылды. Спектакльне Минзәлә театры сәхнәсендә Саха режиссеры Сергей Потапов куйган иде.
Рөстәм Зиннуров куелачак спектакльне һәм Надир мәхдүм роле турында фикерләрен белдермәде. Бары тик “Миңа Иблис роленнән соң бераз авыррак”, дип кенә әйтте.
Следите за самым важным и интересным в Telegram-каналеТатмедиа
-
«Нина и хлебные карточки»: укучыларны уйга калдырган премьера
-
Тукай премиясенә кемнәр лаек яки премиягә кандидатлар турындагы матбугат конференциясендә 2025 ел кандидатлары турында сөйләшмәү
-
Камал театрының яңа бинасында «Камал кичләре» узды
-
«Төзәтмәгән әйбер өстендә яңа нигез тудырып булмый». Түбән Кама театрының баш режиссёры Лилия Әхмәтова «Борһан йорты» спектаклен икенче тапкыр куя
-
Чаллы театры актрисасы Чулпан Арсланова Татарстанның атказанган артисты исеменә лаек булды!
-
«Слушай мои позывные», «Просто жить»: Ватанны саклаучылар елы һәм Бөек Җиңүнең 80 еллыгына Казан Яшь тамашачы театрында тагын нинди премьералар көтелә?
-
Сәйдәшев исемендәге концерт залында Чайковский һәм Штраус көйләре яңгырады!
-
Миләүшә Хәйруллина: «Кызыл юлдан»
Комментарий юк