«Мәхәббәт бар һәм ул гаиләдә яши»

Лилия Сәлахетдинова-Тимергалиева инстаграм битендә тормыш иптәше белән фото урнаштырган. Фото астында ул гаилә, мәхәббәт һәм ир белән хатын арасындагы мөнәсәбәтләр хакында язган.

«Мәхәббәт бар һәм ул гаиләдә яши ала. Гаилә мөнәсәбәтләрендә һәркемнең бәхеткә, аңлауга һәм ихтирамга хакы бар. Онытмагыз, сезнең сайлау мөмкинлеге бар! Сез үзегез сайлаган тормышны яшисез. Башкаларныкы сыман булсын дип, сезгә туры килмәгән, сезне бәхетсез иткән гаилә моделе белән яшәү кирәк түгел», – дип яза ул.

Инстачылар шагыйрәнең ни дәрәҗәдә көчле хатын-кыз булуына шаккаттылар: «Лилия, син көчле һәм күпләргә үрнәк. Ике дөнья бәхете телим сезгә», «Нинди молодец Лилия! Сезнең кыюлыгыгызга һәм көчле рухыгызга сокланам!», «Күгәрченнәр, бәхетле булыгыз».