Рөстәм Миңнеханов мәрхүм Жорес Алферовның туганнарының кайгысын уртаклашты

Татарстан Президенты кайгы уртаклашу телеграммасын республика халкы исеменнән юллаган.

Татарстан Президенты Рөстәм Миңнеханов академик Жорес Алферов үлү сәбәпле, кайгы уртаклашты. Ул Россия Фәннәр академиясенең Санкт-Петербург фәнни үзәге рәисе вазифаларын башкаручы Юлия Бубличенко исеменә телеграмма юллаган. Бу турыда республика җитәкчесенең матбугат хезмәте хәбәр итте.

Рөстәм Миңнеханов Татарстан халкы исеменнән кайгы уртаклашкан. «Бөтенроссия җәмәгатьчелеге зур югалту кичерә. Дөнья фәненә зур өлеш керткән галим, күренекле кеше, иң дәрәҗәле һөнәри бүләкләр иясе вафат», диелгән телеграммада.

Жорес Иванович белән берничә тапкыр очраштым. Ул бик зыялы, югары мәдәниятле, идеяле, фәнгә бирелгән, дәүләт үсешендә фәннең зур әһәмиятен яклаучы кеше иде. Ул үзеннән соң зур мирас - фәнни хезмәтләр, уйлап табулар, күп санлы укучылары гына түгел, Санкт-Петербург милли-тикшеренү академик университетын, Фән һәм мәгарифкә ярдәм итү фондын һәм башка файдалы башлангычларын калдыра», - дигән Рөстәм Миңнеханов.

«Татарстан халкы исеменнән Жорес Ивановичның туганнарының һәм якыннарының кайгысын уртаклашабыз», диелгән әлеге телеграммада.

Фото "Татар-информ"

Бу хакта тулырак: https://tatar-inform.tatar/news/2019/03/02/181913/