Радик Юльякшинны кем бәхетле итә?  

Кичә популяр артист, күп кенә кызларның йөрәкләрен яулаучы Радик Юльякшин (Elvin Grey) «9 жизней» җырының клибын тәкъдим итте. Клипта, гадәтләнгәнчә, мәхәббәт тарихы сүрәтләнгән. Эчтәлек ягыннан караганда әллә ни сюжет линиясе күзәтелми, бары тик кыйммәтле машиналар, диңгез, яхта һәм клипның чибәр героинясы.

Әлеге җырны башлыча Радик Юльякшин Zip92 исеме астында чыгыш ясаучы артист белән дуэт вариантында тәкъдим иткән иде. 2 еллап вакыт узганнан соң Elvin Grey инде хитка әверелгән җырга клип төшерергә булган. Нәрсә килеп чыкканын үзегез карагыз, дуслар.

Автор: А.Галимова

Фото: видеодан скриншот