Роспотребнадзор: «Бу әле башы гына»

Татарстан мәктәпләрендә  коронавируска бәйле  вәзгыять тотрыклы түгел.  Шул ук вакытта республикада декабрь башы өчен гриппка каршы вакцинация күрсәткечләре шактый түбән. ТР Баш санитар табибы Марина Патяшина сүзләренчә, әле ковидка һәм гриппка каршы вакцинация үтәргә соң түгел. Роспотребнадзор фаразлары буенча,  бу әле башы гына.  Ведомство декабрь ахырына авыручылар артуын  көтә.

 19 ноябрьдә республикада нибары 21 сыйныф, ягъни 602 укучы карантинда иде.  Казан шәһәрендә биш сыйныф, Чаллыда -  тугыз, берәр сыйныф — Түбән Кама, Әлмәттә, Чистай шәһәрендә — биш сыйныф. Республикада грипп һәм ОРВИга бәйле рәвештә 391 сыйныф карантинга ябылган. 10 мең 95 бала аерым укуда.Татарстанда тулысынча карантинга ябылган мәктәпләр юк.

Фото школы