Шәриф Камалны искә алу кичәсе

Бүген MOÑ театр мәйданчыгында татар язучысы Шәриф Камалны «Матур туганда» искә алу кичәсе узачак. Шәриф Камал — модернист һәм импрессионист язучы. Гади кешеләр турында еш язса да, әсәрләре әзерлекле укучыга юнәлтелгән. «Аның хикәяләрендә булган төп мәгънәне, чын кыйммәтне аңлау өчен, байтак әдәби зәвык һәм әдәби тәрбиягә малик булырга кирәк», — ди Җамал Вәлиди. Без Шәриф Камал дөньясының төрле төсләрен ачыкларбыз. Дөньяда каядыр яшеренгән саф матурлыкны эзләрбез. Беркайчан да яңгырамаган парчаларын ишеттерербез.