Сергей Лазарев, Филипп Киркоров һәм Валерия Казанда чыгыш ясаячак  

30 ноябрьдә Казанның «Пирамида» мәдәни-күңел ачу комплексында «Добрая волна» Бөтенроссия мәдәни-хәйрия фестиваленең гала-концерты узачак. Сәхнәдә иң яхшы яшь башкаручылар белән бергә Россия йолдызлары да чыгыш ясаячак: Сергей Лазарев, Филипп Киркоров һәм Валерия, дип хәбәр итте бүген журналистларга балалар һәм яшьләр эшләре комитеты рәисе Айрат Фәизов.

«Быел конкурсның географиясе киңәйде – тыңлау Россиянең 10 шәһәрендә узды. Моңа Президент грантын алу ярдәм итте. «Добрая волна» − шәһәрнең 66 коммерцияле булмаган оешмасы проектларының берсе. Алынган барлык грантларның гомуми суммасы 118 млн сум тәшкил итте », − дип сөйләде А. Фәизов.

Автор: Александра Иванова

Фото: kzn.ru