Шүркә балалар бакчасында кунакта

Шүркә Киров районының 91 нче балалар бакчасында очрашуда булды. Әлеге очрашуда журналыбыз мөхәррирләре балаларга «Салават күпере»ндәге төрле кызыклы бәйгеләр турында  сөйләделәр. Кызыклы да, тылсымлы да журнал балалар күңеленә хуш килде. Кунакка килгән Шүркә балалар белән күңел ачты, уйнады, фотоларга төште. Шүркәбез балаларга күп итеп журналлар да бүләк итте.