Сугышта хәбәрсез югалган татар драматургының тәүге пьесасы 77 елдан соң китап итеп басылды

Әстерхан өлкәсендә туып үскән Шакир Галимовның якташлары "Алтын беләзек" пьесасын Казан режиссерларына сәхнәләштерергә тәкъдим итте.

сәхнәләштерергә тәкъдим итте. 

(Казан, 6 апрель, “Татар-информ”, Лилия Гаделшина). Бөек Ватан сугышында хәбәрсез югалган татар драматургы Шакир Галимовның "Алтын беләзек" пьесасы 77 елдан соң китап булып басылып чыкты. Бу хакта Шакир Галимовның якташы, аның архивын өйрәнгән тарих укытучысы Шамил Сираҗетдинов хәбәр итте.

Шакир Галимовның 70 елдан артык туганнарында, чормада сакланган кулъязмаларын өйрәнеп, Шамил Сираҗетдинов бер пьесасын китап итеп бастыруга әзерләгән. Әсәр “Алтын беләзек” дип атала. Китап быел 100 данә тираж белән Әстерханның “Волга” нәшриятында дөнья күрде. Нәшрият чыгымнарын капларга Шакир Галимовның туганы Алсу Дәүләтярова-Колесникова ярдәм иткән.

Фото: Л.Гаделшина

татар-информ