Сызрань татарларының «Ихтыяр көче» оешмасына дүрт ел булды

«Ихтыяр көче» оешмасы актив яшьләрне берләштерә.

Бу хакта Сызрань шәһәре татарлары милли-мәдәни автономиясе рәсми сайты хәбәр итә.

Сызрань шәһәре татарлары милли-мәдәни автономиясе Советы рәисе Ринат Шәрәфетдинов бу оешманың эшчәнлеген югары бәяләгән.

«Ихтыяр көче» оешмасы актив яшьләрне берләштерә. «Алар үз командасына яңа фикердәшләр кабул итәргә, үз тәҗрибәләре белән уртаклашырга һәм ярдәм кулы сузарга әзер", - дигән ул.

«Дүрт ел, бер яктан караганда, әле сабыйлар яше генә, әмма икенче яктан – ул яхшы, ныклы старт! Дүрт ел эчендә шактый эш башкарылган, төрле проектлар гамәлгә ашырылган, презентацияләр, акцияләр үткәрелгән», - дип сөйләгән автономия рәисе. 

Фото: tatsyz.ru

Татар-Информ