Түбән Кама театры «Әлдермештән Әлмәндәр» спектаклен Санкт-Петербургта күрсәткән
Түбән Кама Татар дәүләт драма театры «Әлдермештән Әлмәндәр» спектаклен Санкт-Петербургта яшәүче татарларга күрсәтеп кайтты. Бу хакта театр җитәкчелеге хәбәр итә. «Без Петербургта яшәүче татарлар белә...
Түбән Кама Татар дәүләт драма театры «Әлдермештән Әлмәндәр» спектаклен Санкт-Петербургта яшәүче татарларга күрсәтеп кайтты. Бу хакта театр җитәкчелеге хәбәр итә.
«Без Петербургта яшәүче татарлар белән иҗади очрашулар үткәрдек. Тамашачы Туфан Миңнуллинның «Яшьлек белән очрашу» һәм «Әлдермештән Әлмәндәр» спектакльләрен тулы залларда бик яратып карады, олы рәхмәт сүзләрен җиткерде», – ди театр директоры Рөстәм Галиев.
Гастрольләр Санкт-Петербург шәһәре һәм Татарстан Республикасы мәдәният учреждениеләре арасындагы хезмәттәшлекне киңәйтү программасы кысаларында И.Газ исемендәге мәдәният сараенда үткән. Спектакль башланыр алдыннан мәдәният йортында Санкт-Петербургта быел оешкан «Файда» дип исемләнгән беренче татар эстрада-фольклор ансамбле чыгыш ясаган.
«Татарча спектакльләр һәм концертлар алар өчен үзара аралашу урыны. Спектакльләргә килгән милләттәшләребезне чәкчәк белән сыйладык, алар артистлар белән аралашты, үзләрен кызыксындырган сорауларга җавап алдылар, фотога төштеләр. Татарча аңламаучыларга исә колакчыннар бирелде, алар өчен спектакльләр рус теленә синхрон тәрҗемә ителде», – ди директор.
Театрның Петербург гастрольләрен оештырырга «Питер буйлары» мәдәният һәм сәнгать әһелләре ассоциациясе ярдәм иткән. «Без бу оешманың президенты Рөстәм Хучашев һәм экскурсовод Альмира Таһирҗановага рәхмәтле. Альмира ханым бөек татар дин белгече-философ, публицист Муса Бигеевның оныгы Мөхәммәтнең хатыны», – ди театр җитәкчелеген
Гастрольләр Туфан Миңнуллин исемендәге Татар дәүләт драма театрының 30 еллыгына багышланган.
Автор: Рузилә Мөхәммәтова
Фото: Театрның матбугат хезмәте
Следите за самым важным и интересным в Telegram-каналеТатмедиа
-
Тукай премиясенә кемнәр лаек яки премиягә кандидатлар турындагы матбугат конференциясендә 2025 ел кандидатлары турында сөйләшмәү
-
Камал театрының яңа бинасында «Камал кичләре» узды
-
«Төзәтмәгән әйбер өстендә яңа нигез тудырып булмый». Түбән Кама театрының баш режиссёры Лилия Әхмәтова «Борһан йорты» спектаклен икенче тапкыр куя
-
Чаллы театры актрисасы Чулпан Арсланова Татарстанның атказанган артисты исеменә лаек булды!
-
«Слушай мои позывные», «Просто жить»: Ватанны саклаучылар елы һәм Бөек Җиңүнең 80 еллыгына Казан Яшь тамашачы театрында тагын нинди премьералар көтелә?
-
Сәйдәшев исемендәге концерт залында Чайковский һәм Штраус көйләре яңгырады!
-
Миләүшә Хәйруллина: «Кызыл юлдан»
-
Камал театрының Шәрык залында беренче премьера - «Мең дә бер кичә»
Комментарий юк