Табын күрке ˗ каз бәлеше

Яңа ел бәйрәмнәрендә генә түгел, татарларда теләсә нинди мәҗлес бәлеш белән ассоцияләшә бугай инде ул. Ике-өч төрле ит салып, бәрәңгесен вак-вак турап, сарымсак-суганын мулдан кушып... Бөкесеннән кайнар шулпа салырлык итеп калдырып, өстен ак май белән дә майлап җибәрсәң... Аһ тәмле чыга инде чукынмыш... Пешердегезме соң? Сыер ите салдыгызмы, каз яисә үрдәк өстәдегезме? Көймәдеме, йөзе килдеме, мактап ашадылармы? Әнә, уңган кеше бар яктан килгән, дигән төсле алып баручы Гөлназ Сәфәрованың каз бәлеше ничек тәмле булып пешкән. Авыздан сулар китерерлек мәйтәм... Инстаграм бите аша шулай күренгәнне, үзе кабып караган якыннары гүпчим мактап туймагандыр инде. Сез дә, даваегыз, бәлеш пешерегез, бәйрәмнәрдә ялкауланып ятасы түгел!.. Мин дә киттем.

Автор: Гөлнара Җәлилова