«Тагын бер имеш-мимешләр»

Ландыш Нигъмәтҗанова инстаграм сәхифәсенә «тагын бер имеш-мимешләр», дип видео урнаштырган. Биредә Ләйлә Таишева коронавирус авыруы хакында үз фикерен белдерә.

Ләйлә әнисе белән «МЕГА» сәүдә-күңел ачу үзәгенә килгәннәр. Кызчык парковкада машиналар аз икәнен белдерә. Моның сәбәбен Ләйлүк коронавирус авыруы таралган аркасында дип уйлый. 

«Мәскәүдә коронавирус йөри, беләсең килсә! Миңа телевизор сөйләде, мин бит бөтесен тыңлап торам! Кытайда коронавирустан дару да таптылар», – ди Ләйлә.

Җырчының укучылары кызның олыларча фикер йөрткәненә сокландылар. «Үтерә бу кыз!», «могҗиза бит бу бала!», «фикерләве бу баланың!», «әй Ләйлүш, көлдердең син», дип видео астында язалар.