Танылган алып баручы вафат

Танылган телевидение алып баручысы Илфат Абдрахманов вафат. Бу хакта ТНВ каналының инстаграм аккаунты хәбәр итте.

«Аны Татарстан телевидениесенең символы дип тә атыйлар! Илфат Абдрахмановны тамашачы телевизор экранында 1984 елда ук күрә! Ул яңа «Татарстан-Яңа гасыр» спутник телеканалына эшләргә килүчеләрнең берсе. Күп еллар ТНВда хәбәрләр алып баручысы булып эшләде», – дип язлыган әлеге хәбәрдә.

Алып баручы белән хушлашу иртәгә 9.00 сәгатьтә Әмирхан урамы, 17, 2 подъезд адресы буенча булачак. Якыннарының авыр кайгысын уртаклашабыз, аларга сабырлык телибез!