Татар әкияте буенча эшләнгән мультфильм Суздаль анимация фестивалендә катнаша

«Гөлнәзек ˗ диюләр җиңүчесе» мультфильмы федераль субсидия хисабына төшерелгән.

Татарстанда ясалган «Гөлнәзек ˗ диюләр җиңүчесе» анимацион фильмы Суздальдә уза торган XXIV Россия ачык анимация киносы фестивалендә катнаша. Фестивальнең программасы аның рәсми сайтында урын алган.

Анимация фестивале 13 ˗ 19 март көннәрендә үтә.

«Гөлнәзек ˗ диюләр җиңүчесе» анимацион фильмының режиссеры Елена Ермолина, продюсеры – Светлана Бохараева. Мультфильм геройлары текстларын Камал театры артисты Илдус Габдрахманов укыган.

Фильм Милли бәйге номинациясендә Казан халыкара мөселман киносы фестивалендә катнашып, фестиваль лауреаты булды.

«Гөлнәзек ˗ диюләр җиңүчесе» анимацион фильмы Россия Мәдәният министрлыгыннан алынган 2 миллион сум субсидия хисабына төшерелгән.

Чыганак: tatar-inform