Татар рәссамнары белән тарихчылар халыкка тарихи белем бирү проектларын башлап җибәрәләр
Татарстан рәссамнары тарихчылар белән берлектә халыкка тарихи белем бирү проектларын башлап җибәрәләр. “Казан” милли-мәдәни үзәгендә оештырылган “Чиксезлеккә юл” күргәзмәсе - әлеге нияттән эшләнгән бе...
Татарстан рәссамнары тарихчылар белән берлектә халыкка тарихи белем бирү проектларын башлап җибәрәләр. “Казан” милли-мәдәни үзәгендә оештырылган “Чиксезлеккә юл” күргәзмәсе - әлеге нияттән эшләнгән беренче эш. Бүген “Татар-информ”да мәгълүмат агентлыгында уздырылган матбугат конференциясендә Татарстан рәссамнары Рифкат Вахитов, Фәрит Вәлиуллин һәм Рөстәм Хуҗин, Ш.Мәрҗани исемендәге Тарих институтының Алтын Урда һәм татар ханлыкларын өйрәнү үзәге җитәкчесе, тарих фәннәре кандидаты Илнур Миргалиев тарихи темага картиналар иҗат итүнең әһәмияте һәм үзенчәлекләре турында фикер алыштылар.
“Чиксезлеккә юл” күргәзмәсендә төрле стильдәге алты автор катнаша. Катнашучыларның иң өлкәне - 80 яшьлек Рифкат Вахитовтан, иң яше – Рөстәм Хуҗин. Күргәзмә “Казан” милли-мәдәни үзәгендә оештырылган. Күргәзмә кысаларында рәссамнар осталык дәресләре дә уздыралар.
“Ниятебез – үткәнгә ишекләр ачу”, - дип билгеләде “Чиксезлеккә юл” күргәзмәсенең максатын идея авторы Рөстәм Хуҗин.
“Бу әле беренче адымнар. Тарихи рәсемнәр остаханәсе ясау буенча безнең тәҗрибәбез юк иде. Татар халкының объектив һәм субъектив сәбәпләр аркасында үзенең мәдәнияте һәм тарихы турында буяулар һәм төсләр аша сөйләү мөмкинлеге булмады. Минемчә, югалтылганны кайтарыр чагыбыз җитте. Хәзер без рәссамнар берләштек һәм бу берләшүебезнең зур киләчәге бар”, - диде Рөстәм Хуҗин.
“Тарихчылар белән рәссамнарның берләшеп эш итә башлавы бик яхшы. Без – рәссамнар, чыннан да, галимнәргә таянып эшләргә тиеш. Без Алтын Урда юбилеена да күргәзмә ясарбыз дип уйлыйбыз. Без тарихыбызны күрсәтергә тиеш”, - диде Фәрит Вәлиуллин.
Рифкат Вахитов күргәзмәгә үз иҗатындагы иң төп эшләрен куйганлыгын билгеләп үтте. Аның триптихында татар тарихының бөек шәхесләре - Олуг Мөхәммәд белән Сөембикәбез дә бар. Рифкат Вахитов тарихыбызны күрсәтү өчен визуализация җитмәвен әйтеп узды.
Тарих фәннәре кандидаты Илнур Миргалиев та кешеләргә татар тарихын җиткерү өчен визуализациянең әһәмиятен билгеләп узды һәм тарихчыларның Алтын Урда чорын яктырту өчен сәнгатькәрләргә һәм язучыларга мөрәҗәгать итүен, бары тик рәссамнарның гына әлеге мөрәҗәгатькә колак салуын билгеләп узды. Тарихчылар тарихи чорлар буенча, шул чордагы киемнәр, кораллар, архитектура буенча рәссамнарга консультацияләр уздырганнар.
Следите за самым важным и интересным в Telegram-каналеТатмедиа
-
«Чулпан» мәдәният үзәгендә «Ак калфак» оешмасы концерты узды
-
«Нина и хлебные карточки»: укучыларны уйга калдырган премьера
-
Тукай премиясенә кемнәр лаек яки премиягә кандидатлар турындагы матбугат конференциясендә 2025 ел кандидатлары турында сөйләшмәү
-
Камал театрының яңа бинасында «Камал кичләре» узды
-
«Төзәтмәгән әйбер өстендә яңа нигез тудырып булмый». Түбән Кама театрының баш режиссёры Лилия Әхмәтова «Борһан йорты» спектаклен икенче тапкыр куя
-
Чаллы театры актрисасы Чулпан Арсланова Татарстанның атказанган артисты исеменә лаек булды!
-
«Слушай мои позывные», «Просто жить»: Ватанны саклаучылар елы һәм Бөек Җиңүнең 80 еллыгына Казан Яшь тамашачы театрында тагын нинди премьералар көтелә?
-
Сәйдәшев исемендәге концерт залында Чайковский һәм Штраус көйләре яңгырады!
Комментарий юк