Татарстанда көннәр суытачак

(Казан, 10 февраль, «Татар-информ»). Татарстанда киләсе ике тәүлектә, 11 һәм 12 февральдә салкынайтачак. Бу хакта Татарстан Гидрометеорология үзәге хәбәр итә.

Синоптиклар фаразларына караганда, көндез температура -9...-15 градус, төнлә -20, аязганда – 24 градуска кадәр төшәчәк.

Шулай ук көнчыгыштан салмак җил, урыны белән бераз кар явуы ихтимал. Юлларда бозлавык.

татар-информ

Фото: Рамиль Гали