Татарстанда начар һава торышының беренче күңелсез нәтиҗәләре билгеле булды

Татарстанда начар һава торышы аркасында, берничә районда 50 торак пунктта яшәүчеләр утсыз калган, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән.
        Агентлык билгеләп үтүенчә, болар – Казан, Буа, Тәтеш, Кама Тамагы, Яшел Үзән, Биектау, Питрәч, Арча, Алексеевск, Спас, Яңа Чишмә районнарындагы торак пунктлар.

         Барлыгы 8398 кеше утсыз калган. 193 ярдәмче трансформатор станциясе токтан аерылган.

         Бүген, шулай ук һава торышы бозылу сәбәпле, Казанда балаларга мәктәпкә һәм бакчага бармаска рөхсәт иттеләр.

Чыганак: Мәтбугат.ру