Татарстанда сәнгать музейларына багышланган видеопроектлар конкурсы уза

Конкурста 8-10 сыйныф укучылары катнаша ала.

Татарстанда өлкән сыйныф укучылары «Идел буе сәнгать музейлары» дигән видеопроектлар конкурсында катнаша ала. Бу хакта Казан мэриясе матбугат хезмәте хәбәр итә.

Конкурста 8-10 сыйныф укучылары катнаша ала. Катнашучыларга сәнгать музее турында видеоролик төшерергә кирәк. 4 минутлы видео өч телнең берсендә – инглиз, француз яки немец телендӘ укылырга тиеш. Видеода рус субтитрлары да язылырга тиеш.

Конкурс ике этапта уза: февраль аена кадәр катнашучылар музейда эш планын төзи, февраль аеннан март аена кадәр – проект төзү юнәлешендә эш алып баралар. Укытучылар һәм ата-аналар катнаша ала, дип билгеләп үтелә.

Материалларны 29 мартка кадәр конкурсны оештыручыларның электрон почтасына җибәрергә мөмкин.

Чыганак: tatar-inform