Татарстанлыларга май бәйрәмнәрендә шашлык кыздыруны тыйдылар

(Казан, 27 апрель, «Татар-информ»). Татарстанлыларга 30 апрельдән 15 майга кадәр ачык утта ризык әзерләү һәм корыган үлән яндыруны тыйдылар. Министрлар Кабинетының шул хактагы карары Татарстан хокукый мәгълүмат порталында урнаштырылган.

Бу чорда республика территориясендә янгынга каршы махсус режим кертеләчәк. Татарстанлыларга урманнарда янгын чыгу куркынычы янаган торак пункт территорияләрендә, урман-парк зоналарында (һ.б.) чүп-чар һәм корыган үләнне яндыру, шулай ук ачык утта (учакта, мангалда) ризык әзерләү, пиротехника эшләнмәләрен куллану тыела. 

татар-информ