Хәбәрләр

Татлы вафля рецепты

Татлы вафля бәйрәм өстәлен бизәп торачак. Балалар һәм олылар өчен дә тәмле татлы ризык булачак. Камыр өчен: 6 эре йомырка, 2 кап 200 әр граммлы “Пышка” яки “Хозяюшка” маргарины, 1 стакан шикәр комы,...

Татлы вафля бәйрәм өстәлен бизәп торачак. Балалар һәм олылар өчен дә тәмле татлы ризык булачак.

Камыр өчен: 6 эре йомырка, 2 кап 200 әр граммлы “Пышка” яки “Хозяюшка” маргарины, 1 стакан шикәр комы, 10 грамм көпшәкләндергеч, чама белән он.

Крем өчен: куертылган сөт (вареная сгущенка).

Бизәү өчен: кондитер бизәкләре яки вакланган әстерхан чикләвеге.

Камыр куе каймак кебек булырга тиеш. Вафли табасының ике ягын да кыздырырга, үсемлек мае белән майларга һәм уртасына кашык белән камыр салырга. Ике ягын да кыздырырга. Аннары вафлины алырга һәм кайнар килеш конус кебек төрергә. Шундый тәртиптә пешереп бетерергә. Табаның зурлыгына карап камырны күпме саласын чамаларга, ул аз да һәм таба кырыйларына агып та чыгарга тиеш түгел.

Вафлилар суынып беткәч, крем салырга һәм бастырып тезәргә. Крем өстенә кондитер бизәкләре яки вакланган әстерхан чикләвеге сипсәгез матур булачак.

интертат

Автор: Гөлүзә ВАСИЛОВА

Фото: Гөлүзә Василова

Следите за самым важным и интересным в Telegram-каналеТатмедиа