Томск татарларына "Күк капусы ачылганда" фильмы күрсәтелә

"Күк капусы ачылганда" — Габдулла Тукай тормышына багышланган нәфис фильм.

(Казан, 28 апрель, "Татар-информ"). Томск таталарына Туган тел көне уңаеннан, "Күк капусы ачылганда" кинофильмы күрсәтеләчәк. "Яшел диңгез" татар яшьләре оешмасы хәбәр итүенчә, чара "Мин татарча сөйләшәм" акциясе кысаларында 29 апрельдә уза. 

"Күк капусы ачылганда" — Габдулла Тукай тормышына багышланган нәфис фильм. Ул Татарстан Президенты Рөстәм Миңнехановның матди ярдәме белән төшергән. Режиссеры — Фәрид Дәүләтшин, сценарий авторы — Рабит Батулла. Төп рольләрне Г.Кариев исемендәге Казан татар дәүләт яшь тамашачылар театры һәм Г.Камал исемендәге Татар дәүләт академия театры артистлары башкара.

Фильмның премьерасы 2012 елның 1 августында Казанның "Мир" кинотеатрында булган.

татар-информ