Туган телне мәҗбүри укытуны яклаган петицияне дүрт меңнән артык кеше имзалаган

(Казан, 25 апрель, “Татар-информ”). Туган телләрне мәктәп программасында мәҗбүри укытуны саклау турындагы петициягә бер атна эчендә дүрт меңнән артык кеше имза куйган. Петициянең авторлары - "Россиядә туган телләргә каршы законга – юк” инициативалы төркеме.
Петиция 10 апрельдә Дәүләт Думасы утырышында “Россия Федерациясендә белем бирү турындагы” федераль законга үзгәрешләр кертү турындагы тәкъдимнән соң язылды. Дәүләт Думасы депутатлары республикаларның милли телләрен ата-аналар ирегенә бирү яклы.
Петицияне төрле халыкларның танылган сәяси һәм мәдәни эшлекләре дә имзалаган. Алар - Якутия депутаты Иван Шамаев, Дагыстанның көнчыгыш телләрен өйрәнү белгече Руслан Корбанов, журналистлар Руслан Айсин һәм Марк Шишкин.
“Россиядә туган телләргә каршы законга – юк” инициативалы төркем якын арада петиция имзалаучыларны биш мең кешегә кадәр җиткерүне максат итеп куя.
Иң мөһим һәм кызыклы язмаларны Татмедиа Telegram-каналында укыгыз
-
20 март 2023 - 14:19
-
18 март 2023 - 14:21
-
17 март 2023 - 09:26
-
16 март 2023 - 13:36
-
16 март 2023 - 11:50
-
15 март 2023 - 15:48
-
14 март 2023 - 13:42
-
13 март 2023 - 13:35
-
Минзәлә театры Сабир Өметбаев бюстын аның туган авылына бүләк итте