Хәбәрләр

Тукайның Шүрәлесе бозда!

26 апрель - бөек шагыйребез Габдулла Тукайның туган көнендә Татнефть Аренада симфоник оркестр катнашында «Шүрәле на льду» тамашасы күрсәтеләчәк.

1 сәгать 20 минутлык бу тамашада фигуралы шуу, синхрон шуу осталары, гимнастлар, акробатлар катнашачак. Төп геройлар – Шүрәле, Сөембикә, Батыр. Тамашада симфоник оркестр башкаруында Фәрит Яруллинның «Шүрәле» балеты буенча Рөстәм Абязов сюиталарын, рус композиторлары Модест Мусоргский һәм Александр Бородин көйләрен дә ишетәчәкбез.