Утырып укыр китабың бармы?

Сез китап укырга яратасызмы соң? Нинди жанрдагы, нинди телдәгесенә өстенлек бирәсез? Ээээх, кулдан-кулга, өйдән-өйгә йөртеп укыган китаплар заманы, кочак тутырып газета-журналларга язылган чорлар тарих битләрендә генә калды микәнни соң... Бөтен кеше телефон, планшет, компьютерга капланган көннәр бик тиз җитте ләбаса. Җәмәгать транспортында йөргәннәр - кайсыгыз тәрәзәдән урамны күзәтә? Күзәтмиләр шул ‒ бөтен кеше телефонга кереп баткан... Яшь җырчы Гөлназ Асаева да китап укырга яратмавын үз инстабитенә язып элгән. Шулай да соңгы арада татар-башкорт телендә берәр мавыктыргыч китап укыйсы килүе турында да белдерткән җырчы кыз. Тарих белән кызыксына икән Гөлназ. Шуңа, мәйтәм, «Сәхнә» журналы-сайты укучылары аңа тизрәк ярдәм итәр дип уйлыйм: кайсыгыз анда качып кына кызыклы китап укып ята?

Автор: Гөлнара Җәлилова