Ваһапов фестивале ябыламы?!

Бу көннәрдә Рәшит Ваһапов исемендәге халыкара татар җыры фестиваленең инстаграм аккаунтында фестивальнең эмблемасы кызыл белән сызып ташланган фото урнаштырылды. Шулай ук әлеге фотоны фестивальнең кайбер лауреатлары да урнаштырды. Артистлар үзләре бу хакта бернинди комментарий да бирмиләр. Әлеге фотолар социаль челтәрләрдә тамашачылар арасында шау-шу куптарды, күбесе кәнагатьсезлек белдерде. Фестивальнең язмышы ничек хәл ителүен вакыт күрсәтер.