Юлия Началованың хәле киcкенләшкән

Пәнҗешәмбе көнне кич массакүләм мәгълүмат чаралары җырчыда «отёк мозга» башлануын хәбәр итте. Юлиянең хәлен ике яклы пневмония тагын да катлауландыра. Әлеге выакытта халәте бик авыр дип бәяләнә.

Беренче тапкыр челтәрдә җырчының сәламәтлеге канда шикәрнең күтәрелүе һәм подагра нәтиҗәсендә кискен начарланган дигән хәбәр таралды. Шуннан соң Юлияга кызыл волчанка диагнозы куйганнар. Әмма ул вакытта артистканың пиар-менеджеры җырчыдагы аутоиммун авыруы турында мәгълүматны расламады. «Мин медик түгел һәм моны ничек аңлатырга да белмим. Әлегә сорауларга сезнең кебек үк, җавап таба алмыйм», − дип Анна Исаева«СтарХит»ка хәбәр иткән.

Анна сөйләвенчә, җырчының аягында гангрена башланган булган. Табиблар аны ампутацияләргә җыенса да, артистканың авыр хәле моны эшләргә мөмкинлек бирми. Нәтиҗәдә, ялкынсыну бөтен организмга тарала һәм медикларга Юлияны ясалма кома халәтенә кертергә туры килә. Хәзер җырчыда «отёк мозга»диагнозы куелган. «Юлия хәле авыр дип бәяләнә, — ди Исаева. −Гаиләдә фаҗига. Без аның тизрәк терелүен телибез. Безгә бик авыр».

Автор: Александра Иванова

Фото: Legion-media