Зәмирә Рәҗәпованың улы «мамакун» ашый

Зәмирә Рәҗәпова үзенең инстаграмын бик актив алып бара. Бу көннәрдә ул яңа тел турында язып чыккан.

«Бар шундый тел, бер генә сүзлеккә дә теркәлмәгән, тәрҗемә әсбапларда да юк бу тел. Ул әниләр һәм бәбиләр теле. Мәсәлән, безнең лексиконнан кайбер сүзләр: «скотофигить» ‒ сфотографировать, «субдя» ‒ судьба, «скукота» ‒ «скутака», «макарон» ‒ «мамакун»... Ә менә «наказа» дигән сүзне так и аңламадык. Дустымның улы светофорны «сапбилюль» ди иде. Бер бала суны «букбука», ди. Кызык әйеме, балалар теле. Сезнекеләр нинди оргиналь сүзләр белән гаҗәпләндерә?» дип яза Зәмирә.

Чыннан да, кызык бит ул балалар теле. Күп очракта әни кеше генә аңлыйдыр аларны, алар телендә сөйләшә беләдер.

Автор: Г.Шарапова

Фото: zamira266