АТНА ХӘБӘРЛӘРЕ

Әле үзе исән чагында ук татар театрының атасы булып исәпләнгән Габдулла Кариевның тууына быел 139 ел тулды. Шул уңайдан Габдулла Кариев исемендәге Татар дәүләт яшь тамашачы театры артист, режиссёр, драматургның туган авылы – Колбай Мораса авылына кайтып “Габдулла – яктылык” театральләштерелгән концертын тәкъдим итте. Тамаша башланганчы авылның мәдәният йорты һәм Габдулла Кариев музеенда булу бәхетенә дә ирештек.

Каюм Насыйриның туган көне февральдә үтте. Ул чакта массакүләм мәгълүмат чараларында да, халык арасында да резонанс купты, чөнки шундый зур дата – мәгърифәтче, тел галимы, язучы, тарихчы, тәрҗемәче Каюм Насыйри тууга 200 ел тулу уңаеннан күренерлек зур чаралар үткәрелмәде. Махсус тәңкә чыгарылуын һәм «Соединяющий миры» фильмын исәпкә алмаганда. Алар турында да инде “искитәрлек зур эш эшләнде”, димәс идем. Финанс ягыннан ниндидер проблема булган, дигән сүз дә йөрде. Кызганыч... Тик, ни генә булса да, Каюм Насыйри музее бу түгәрәк датаны искә алмыйча калмады. Музейда күренекле мәгърифәтчегә багышланган чаралар үткәрелү дәвам итте. Алай гына да түгел, ниһаять, музейда ремонт һәм реставрация эшләре башланды. Шул уңайдан музей мөдире Кадрия Хәлимова белән әңгәмә коруны урынлы дип таптык.

Узган сезонда Казан Яшь тамашачылар театры, бинада ремонт һәм реставрация эшләре үтү сәбәпле, спектакльләрне Казанның төрле мәйданчыклары – театрлар, мәдәният йортлары һәм мәдәният үзәкләре, мәктәпләрдә күрсәтте. Шулай күченеп йөрү чорында театр тарафыннан 50 дән артык локация үзләштерелде.

Туфан Миңнуллинның Марсель Сәлимҗанов тарафыннан куелган «Гөргөри кияүләре» 600 нче тапкыр уйналды! Спектакль башланганчы тамашачыларга үткән елларда бу спектакльдә уйнаган артистларның сурәтләреннән торган фотоколлажны күрсәттеләр. Аннан «Гөргөри кияүләре»ндә күп еллар Җаграп ролен уйнаган, Россиянең атказанган, Татарстанның халык артисты Рамил Төхвәтуллин истәлекләр белән уртаклашты.

Традиция буенча, Камал театрында һәр театраль сезон үлмәс «Зәңгәр шәл» спектакле белән ачыла һәм ябыла.

26 июнь Камал театрының яңа бинасында «Алтын битлек» Россия милли театр премиясен тапшыру тантанасы узды. Илнең төп театр премиясе лауреатларын бүләкләүнең 31 нче тантанасы беренче тапкыр Казанда үтте.

25-26 июнь Казанда Россиянең «Алтын битлек» Милли театр премиясе чаралары уза.

Камал театрының баш режиссёры, «Нәүрүз» фестиваленең сәнгать җитәкчесе Фәрит Бикчәнтәев фестиваль һәм аның исеме үзгәрү, киләчәккә иҗади планнар турында:

22-25 июнь көннәрендә Камал театры сәхнәсендә Александрин театрының Зур гастрольләре башланды. Шул уңайдан Александрин театрының сәнгать җитәкчесе Валерий Владимирович Фокин белән матбугат очрашуы узды. Әлеге очрашуда Фокин Камал театрының яңа бинасы турында үз фикерен белдерде, «Нәүрүз» фестивале кысаларында Халыкара Театр Олимпиадасының махсус программасы күрсәтелү һәм киләсе олимпиада кайда узарга мөмкин булуы турында да сөйләде.

Кырым татар академия музыкаль драма театры куйган “Фаҗига” спектаклен күбрәк театральләштерелгән концерт итеп кабул иттек, чөнки һәр сәхнә дә диярлек җырлар белән үрелеп барды. Спектакльнең күмәк сәхнәләрендә Казан театр училищесы студентлары һәм “Апуш” балалар театр студиясе шәкертләре дә катнашты. Төркия дәүләт театры тәкъдим иткән “Чехов машинасы” спектаклендә Чеховны укыган тамашачылар бер сәхнәдә язучының төрле әсәрләреннән геройларны күрә алды. Әдәбиятка гашыйк тамашачы өчен бу спектакль затлы бер бүләк кебек булды.

🎭»Нәүрүз» фестивале кысаларында күрсәтелгән кайбер спектакльләрдән фоторепортаж. 🟡10 июнь. «Арина» (Л. Кокышев) П.В.Кучияк исемендәге Милли драма театры (Горно-Алтайск шәһәре, Алтай Республикасы) 🟡11 июнь. «Гамлет» (У. Шекспир) «Janni Younge Productions» курчак театры (Кейптаун шәһәре, Көньяк Африка Республикасы) 🟡«Маяк» «Җиңел канатлар» урам театры (Әлмәт шәһәре, Татарстан Республикасы). 🟡12 июнь. «Мең дә бер кичә» (Гарәп әкиятләре буенча Д. Афаунова инсценировкасы) Г. Камал исемендәге Татар дәүләт академия театры (Казан шәһәре, Татарстан Республикасы) 📷 Таңсылу Мостафина

2025 елның апрель аенда телеэкраннарга Мөхәммәт Мәһдиевнең “Кеше китә – җыры кала” повесте буенча төшерелгән сериал чыкты. Әле күрсәтелә башлаганчы ук купкан шау-шуның юкка булмавына инандык. Чөнки мондый югары дәрәҗәдәге тарихи татар сериалы бездә моңа кадәр әле юк иде. Сериалның режиссёры Александр Далматов, язучының кызы Гәүһәр Хәсәновага (Мәһдиева) безне кызыксындырган сорауларны бирдек.

Бу сәгать ярым вакыт эчендә Кабан күле буенда җыелучыларның яшь аермасы да юк, кайсы милләттән булу да мөһим түгел, хәтта туган җирең кайда булуның да әһәмияте юк. Чөнки монда барысы да бербөтен, бердәм. Монда хәрәкәттә - бәрәкәт икәнне аңлаучылар җыела. 2025 елның беренче чарасында Казанлылар һәм Татарстанның төрле районнарыннан килгәннәр генә түгел, Санкт-Петербург, Омск, Мурманск, хәтта Төркиядән кунаклар да биеде. Быелгы юбилей сезонында 12 тапкыр очрашу көтелә. Һәр пәнҗешәмбе биючеләр арасында ярыш уздырылып, шул ярышта җиңүче автомат рәвештә финалга узачак һәм август ахырында 300 мең сум акча өчен бию көрәшендә көч сынашачак.

«Хәрәкәттә-бәрәкәт» бию проектының 5 нче сезонына старт бирелде. Журналның 2024 ел сентябрь санында әлеге проект турында бастырылган материалны тәкъдим итәбез.

2 июнь Казанның “Мәскәү” мәдәният үзәгендә беренче тапкыр “Алмаш” гаилә җыены уздырылды. Оештыручыларның берсе, Казан шәһәре Башкарма комитетының тел культурасы өлкәсендә милли сәясәтне гамәлгә ашыру бүлеге җитәкчесе Айсылу Лерон әлеге чара турында сөйләде.