Булганнан бар да...

Бүгенге заманның иң танылган яшьләренең берсе, «Кара пулат» операсы, «Алтын казан» мюзиклы көй авторы, танылган композитор Эльмир Низамовның яраткан шөгылен беркем дә белмидер әле. Һәрбер ял көнендә булмаса да, Эльмир пешеренергә ярата. Карабодай боткасы белән суга пешкән бәрәңге түгел, әлбәттә. Ә катлаулы, укып өйрәнеп, плитә янында ярты көн диярлек торгызырлык ризыклар икән ул. Бәлеш дисеңме, хашламамы, өчпомакмы, балыкның төрле маринадларда торганымы... Кыскасы, Эльмирның теше үтмәгән ризыгы юк икән. Бер кагыйдәсе дә бар үзе ‒ ризык гадәти булмаска тиеш. Дуслары мактап-мактап ашырлык та булсын ул. Менә бит! Көй язуы бер талант булса, ашарга пешерүе үзе бер сәләт. Әмма ул талантка тагын берсе ябешкәнен дә әйтеп китә Эльмир үзе: «Әмма дә ләкин табак-савыт кына юарга яратмыйм мин»

Автор: Гөлнара Җәлилова