Былтыр кысканга...

Сез йоклар алдыннан балагызга нинди әкиятләр укыйсыз ул? Электрон варианттагы кыска урыс әкиятләреме, китаптан татарчаларынмы? Минем, мисалга, гупчим хәтер юк. Әкиятләргә дә, хикәятләргә дә, уйдырмаларга да... Ә менә киштәдә торган Тукайның «Шүрәле»се белән «Су анасы» ятланган диярлек. Балалар да аны шундый яратты ки ‒ «качма, качма, әй карак», «көй өчен тавыклары җырлай диләр» кебек җирләрендә хор белән әкият сөйлибез! Шундый тәэсирле ки мәйтәм ‒ калган әкиятләрне икедән артык тыңлап булмый, ә Шүрәле белән су анасына көндәш табам димә. Менә кичә дә, кайсы гына әкиятне сөйлим икән инде, дигән соравыма яңгыравык җавап ишетелде: «киштәдә бит ‒ ШүВәле». Рәхмәт яусын инде сиңа, Тукай, гаджет балаларын да кулда тотарга өйрәтәсең бит...

Автор: Гөлнара Җәлилова