Буада урман утырту көне

Бу акцияне башлап йөрүчеләр - Раил һәм Фәрит Садриевлар. Биредә Буа муниципаль районы җитәкчесе Айзетуллов Азат Касымович, Татарстан Республикасының урман хуҗалыгы министрлыгыннан Тазмеев Нияз Маратович, ГБУ “Буалес” директоры Хәбибуллин Хәйдәр Мансурович, Адав-Толымбай авылы халкы, Буа дәүләт драма театры коллективы бик теләп катнаштылар. 350 миләш, юкә агачлары утыртылды. Бу әле мәртәбәле эшнең беренче этабы гына. Киләчәктә ике гектар мәйданда – “Якты күл” утравында - агачлар утырту күздә тотыла.