Чаллы театры сезон ачты

Театр сәхнәсендә үткән сезонның премьерасы – Равил Сабыр әсәре буенча Фаил Ибраһимов куелышында «Сигезле биюе» спектакле уйналды. Традиция буенча, ачылыш тантанасында соңгы сезон нәтиҗәләре буенча төрле номинацияләрдә җиңүчеләрне бүләкләү дә узды.

Номинацияләр:

"Хатын-кыз ролен иң яхшы башкаручы" – Татарстан Республикасының атказанган артисты Энҗе Шиһапова ("Сигезле биюе" (Р.Сабыр) спектаклендә Ләйлә роле өчен);

"Икенче пландагы хатын-кыз ролен иң яхшы башкаручы" – Татарстан Республикасының халык артисты Гөлүсә Гайнетдинова (шул ук спектакльдә Люция Гомәровна роле өчен);

"Ир-ат ролен иң яхшы башкаручы" – Татарстан Республикасының атказанган артисты Рафыйк Каюмов ("Ике хатынлы таксист" (Р.Куни) спектаклендә Тимур Бариев роле өчен);

"Икенче пландагы ир-ат ролен иң яхшы башкаручы" – Татарстан Республикасының халык артисты Булат Сәләхов (шул ук спектакльдә роле өчен);

"Дебют" – Марат Ямалиев, Алинә Гәрәева һәм Миләүшә Гыйльметдинова;

махсус символик бүләк – Казан театр училищесын тәмамлап, театр труппасына күптән түгел килеп кушылган яшь актриса Индира Гыйләҗетдинова.