Нәҗип Җиһановның 100 еллык юбилеена багышланган кичә

Кичәдә композиторның инде ярты гасыр башкарылмаган әсәрләре яңгырады. Шулай ук Нәҗип Җиһановның “Сары ләк-ләк турында риваять” дигән язылып бетмәгән балетыннан музыка башкарылды. Композитор әлеге әсәрен Кытайга барып кайтканнан соң яза башлый, ләкин ул вакыттагы сәяси хәлләргә карап, эше нәтиҗәсез булачагын сизә. Күп еллардан соң Җиһановның укучысы Леонид Любовский балет партитурасын язып бетерә.