«Ягымлы яз - 2012»

«Ягымлы яз» ачык Казан милли иҗат фестивале 1992 елдан алып үткәрелеп килә. Фестивальнең төп максаты – студентлар арасында җыр һәм моң аша татар милли мәдәниятын үстерү, халкыбызның гореф-гадәтләрен онытмыйча, киләчәк буын яшьләргә тапшыру, төбәгара багланышлар һәм төрле өлкәләр арасында дустанә мөнәсәбәтләр булдыру.

Фестивальнең оештыручылары: Казан Мэриясе, Казан шәһәре Башкарма комитетының Балалар һәм яшьләр эшләре комитеты, Казан шәһәре Башкарма комитетының Телләрне үстерү һәм иҗтимагый оешмалар белән үзара бәйләнешләр бүлеге, «Идел» яшьләр үзәге дәүләт учреждениесе, «Бөтендөнья татар конгрессы».

Сайлап алу турлары 2012 елның 9-10 апрелендә А.Гайдар исемендәге Казан яшьләр үзәгендә узачак.

Студентларның «Ягымлы яз-2012» ачык Казан милли иҗат фестивалендә катнашу өчен тутырылган һәм уку йорты җитәкчесе тарафыннан расланган гариза 2012 елның 5 апреленә кадәр Казан шәһәре, Петербург урамы, 70 нче йорт адресы буенча Казан шәһәре Башкарма комитетының Балалар һәм яшьләр эшләре комитетына җибәрелергә тиеш. Оештыру комитеты телефоны: (843) 237-59-89, факс: 237-50-90, e-mail: jagemle.jaz-2012@mail.ru.