10 февраль кемнәр туган?

Бүген татар халкының күренекле шәхесләре туган көн. Бөекләребезне искә алыйк.

Актёр һәм режиссёр, остаз Рәфкать Бикчәнтәев (1924-1975). Рәфкать аганың хәләл җефете Наилә Гәрәева (1940-2023) бөтен гомерен театрга багышлый. Ике күренекле театр әһеленең улы Фәрит Бикчәнтәев тә театрга тугры.

Фото - Г. Камал театрының ВКонтакте челтәреннән,

Рәссам, скульптор Бакый Урманче (1897-1990). Татар профессиональ рәсем сәнгатенә нигез салучыларның берсе. Бакый ага музыка сәнгатен дә үз иткән, җырларга яраткан.