Хәбәрләр

«Биш буын шагыйрьләре бергә» әдәби чарасы узды

Татмедиа бинасы каршында «Биш буын шагыйрьләре бергә» әдәби чарасы узды. «Яңа исем» әдәби лабораториясе белән берлектә узган әлеге чарада олпат, аксакал шагыйрьләр белән беррәттән бүгенге көннең өметле, яшь шагыйрьләре чыгыш ясады.

Әдәби чарада катнашкан шагыйрьләр: Ренат Харис, Равил Фәйзуллин, Марсель Галиев, Ләбиб Лерон, Галимҗан Гыйльманов, Рафис Корбан, Рүзәл Мөхәммәтшин, Гөлүсә Батталова, Фәнил Гыйләҗев, Алинә Хәбибуллина, Айзат Вахитов, Таңчулпан Гыйләҗева, Айрат Шамс, Зөләйха Камалова. Чарада катнашкан шагыйрьләрнең җырларын Рөстәм Насыйбуллин, Рөстәм Гыйльфанов һәм Эльмира Кәлимуллина башкарды.