"Бу гади халыкта чагылыш табарга тиеш түгел!"

Татарстан Президенты Рөстәм Миңнеханов Көнбатыш илләреннән кертелүче санкцияләргә аңлатма бирде. Ул SWIFT системасын өзү һәм кайбер дәүләтләрнең һава киңлеген ябудан гади гражданнар зыян күрә дип белдерде. «Гади кешеләрне банк карталары системасыннан ничек өзеп була соң? Мине яки федераль Хөкүмәтне өзсәләр бер хәл. Монда гади кешеләр зыян күрә. Яки  һава киңлекләрен ябу. Бу да гади халыкта чагылыш табарга тиеш түгел. Хәлләр шуңа таба бара иде, бу гадел түгел», –  дип белдерде ул.

Махсус операция үткәрүне шәрехләп, Рөстәм Миңнеханов: «Бу шартларда бөтен җәмгыятьне берләштерүне тәэмин итәргә, бердәмлекне күрсәтергә, ил җитәкчелеге кабул иткән карарларны хупларга кирәк», — дип белдерде.