Нәҗип Җиһановны искә алалар

Иртәгә татар академия музыкасына нигез салучыларның берсе - Нәҗип Җиһановның туган көненә махсус программа узачак. Нәҗип Гаязовичның хезмәттәшләре һәм дуслары турында күргәзмә ачылачак, аның операларыннан фрагментлар һәм кыллы квартет башкаруында татар композиторлары музыкасы яңгыраячак. Композитор Нәҗип Җиһанов музеенда 2 концерт программасы көтелә.  15 гыйнварда «Җиһанов музыкасының тылсымлы дөньясы» концерты була, анда композиторның операларыннан фрагментлар яңгырый. Башкаручылар Опера студиясе солистлары, Казан консерваториясе музыкаль театр кафедрасы студентлары һәм педагоглары, «Сөембикә» ансамбльләре һәм «Делиция» хоры солистлары. • 16 гыйнварда Нәҗип Җиһанов исемендәге кыллы квартет татар композиторлары музыкасын уйнаячак.  Шул ук көнне ТР Милли музеенда «Нәҗип Җиһанов галактикасы» күргәзмәсе ачыла. Күргәзмә проекты композитор турында аның иҗади тирәлегендәге кешеләр - композиторлар, әдәбиятчылар, артистлар, сәясәтчеләр белән бәйле музей предметлары аша сөйли.

Мәдәният министрлыгы телеграм-каналы.