Гөлназ Шәрипҗанова хастаханәгә эләккән

Кичә танылган җырчы Гөлназ Шәрипҗанова инстаграм сторисларында хастаханәгә эләккәнен хәбәр итте. Аның кече улы Минтимер колбаса ашап агуланган булган.

«Без планлаштырабыз, ә Аллаһы тәгалә хәл итә. Булды хәлләр, бер мизгел эчендә баласы өчен һәр әни дөнья гизәргә әзердер. Дркб - Окольная: ничек барып җиткәнемне сизмичә дә калдым. Безне хастаханәгә салдылар. Озакка түгел дип ышанам, тиз генә терелеп чыгарбыз без. Барыгызга да җылы сүзләрегез өчен рәхмәт!», – дип хәбәр итә Гөлназ.

Минтимергә тизрәк савыгырга телибез!