Яшь талант!

Халкыбызда: «Кызлы йорт – нурлы йорт», – дигән әйтем бар. Танылган татар шоумены, диджей Булат Бәйрәмов белән җырчы Ләйсән Гыймаеваның йортлары өч тапкыр нурга төренгәндер. Билгеле булганча, иҗади гаиләнең өченче балалары да кыз булды.

Һәр кыз бала таҗ киеп, үзләрен принцесса итеп хис итәргә кечкенәдән ярата инде. Берничә ел элек кызлар да үзләрен сынап карадылар. Таңсылу белән Зифа матурлык конкурсында катнашып, икесе дә финалга үткән иде. Таңсылу хәтта Татарстанның Беренче принцессасы да булды. Бүген Булат Бәйрәмов шәхси аккаунтына видеоязма урнаштырган. «Ниһаять вакыт табып. Төнге музицирование – 13» – дип атала ул. Таңсылуның тавышы матур, көчле икәне күренеп тора. Булатның җанатарлары да: «Голос проектына барырга кирәк, ягымлы, матур тавыш» дигән теләктә торалар. Ләйсән Гыймаева бер әңгәмәсендә Таңсылуның җырчы булырга теләвен әйткән иде. Күрәсең, алма агачыннан ерак төшмәгәндер. Без, үз чиратыбызда, кызларга уңышлар, үрнәк гаиләгә киләчәктә дә шулай матур тормыш итсен иде дигән изге теләктә калабыз! 

Г.Гыймадиева

Посмотреть эту публикацию в Instagram

Ниһаять вакыт табып Төнге музицирование - 13 ✅ @pretty_tansy бн бергә? Бүген @zinnursafiullin иҗат иткән "Бәхет төне" җыры ?? ?? #булатбайрамов #тансылушка #живойзвук #ТАНСЫЛУЖЫРЛЫЙ #кавер #татарчажыр

Публикация от Ведущий Булат Байрамов (@bulat_bairamov) 13 Дек 2018 в 11:32 PST